Их Британи “Долоогийн бүлэг”-ийн уулзалтыг Корнуоллд зохион байгуулна
ДЭЛХИЙН МЭДЭЭ | УЛС ТӨРЛОНДОН. /The
Guardian/. “Долоогийн бүлэг”-ийн
дээд хэмжээний уулзалтыг энэ оны зургаадугаар сард Английн баруун өмнөд нутгийн
Корнуолл гүнлэгт зохион байгуулна гэж Их Британийн Ерөнхий
сайд Борис Жонсон мэдэгдлээ.
Дээд хэмжээний
уулзалт зургаадугаар сарын 11-13-нд болох ажээ. Энэхүү уулзалтыг сүүлийн хоёр жил
орчмын хугацаанд анх удаа биечлэн зохион байгуулах гэж буй нь энэ юм. АНУ
өнгөрсөн онд “Долоогийн бүлэг”-ийн уулзалтыг зохион байгуулах байсан боловч цар
тахлын улмаас цахимаар явуулсан билээ.
АНУ-ын
Ерөнхийлөгчөөр сонгогдоод буй Жо Байден тангараг өргөснийхөө дараа тус жил
тутмын дээд хэмжээний уулзалтад анх удаа оролцох юм. Мөн Б.Жонсон Австрали,
Энэтхэг, БНСУ-ыг уг уулзалтад зочин орны хувиар оролцохыг урьжээ. Дээд хэмжээний
уулзалын үеэр цар тахал, уур амьсгалын өөрчлөлт зэрэг олон улсад тулгамдаж буй
асуудлуудын талаар хэлэлцэх төлөвтэй байна.