Улаанбаатар
Канад улстай боловсрол, соёл, шинжлэх ухаан, спортын салбарт хамтрах талаар санал солилцов
МОНГОЛЫН МЭДЭЭ | БОЛОВСРОЛ
Улаанбаатар /МОНЦАМЭ/. БСШУС-ын сайд Ц.Цогзолмаа Канад Улсаас Монгол Улсад суугаа Онц бөгөөд Бүрэн эрхт Элчин сайд Дэвид Уиллиам Спрулыг өнөөдөр хүлээн авч уулзаж, хоёр улсын боловсрол, соёл, шинжлэх ухаан, спортын салбарын хамтын ажиллагааны талаар санал солилцлоо.
Монгол Улс Канад Улстай дипломат харилцаа тогтоосны 45 жилийн ой энэ онд тохиож байгааг уулзалтын эхэнд салбарын сайд онцлоод, Канад Улсын Олон улсын боловсролын товчоо (CBIE)-той хамтран ажиллах тухай харилцан ойлголцлын санамж бичгийг 2014 онд байгуулсан бөгөөд ирэх онд тус санамж бичгийн шинэчилж, хэрэгжүүлэх хүсэлтэй байгаагаа Элчин сайдад уламжлав.
Түүнчлэн шинжлэх ухааны салбарт хөдөө аж ахуйн хүрээлэнгүүдийн материаллаг бааз, туршилт үйлдвэрлэлийн чадавхийг нэмэгдүүлэх, ногоон технологийн чиглэлээр урт хугацааны хамтарсан төсөл хэрэгжүүлэх боломжийг судлах, шинжлэх ухааныг түгээн дэлгэрүүлэх, ахлах ангийн сурагчид болон оюутнуудад шинжлэх ухааны боловсролыг олгох, шинжлэх ухааны музей байгуулахад канадын холбогдох байгууллагуудаас дэмжлэг авах хүсэлтэй буйгаа хэлсэн юм. Мөн залуу судлаачдыг хөгжүүлэх хөтөлбөрийг хэрэгжүүлэх, тэднийг канадын эрдэм шинжилгээний байгууллагуудад дадлагажуулах, эрдэмтэн солилцооны хөтөлбөр хэрэгжүүлэх сонирхлоо илэрхийллээ.
Дэлхий даяар залуус инновацийн өргөн хүрээний мэдлэг, мэдээлэлтэй болж буй энэ цаг үед инновацийн дэд бүтцийг хөгжүүлэх, үндэсний инновацийн тогтолцоог боловсронгуй болгоход хамтарч ажиллах, их сургууль, эрдэм шинжилгээний байгууллагуудын инновацийн үйл ажиллагаатай холбоотой санал, санаачилгыг дэмжих, инноваци, энтрепренершипийг хөгжүүлэх чиглэлээр тогтмол сургалт явуулах, улмаар холбогдох байгууллагуудаас технологи-инновацийн чиглэлээр зөвлөх, сайн дурын мэргэжилтэн авч ажиллуулах гэх мэт ажил хэрэгч санаачилга гаргасан юм.
Мөн спортын салбарт Канад улстай хамтран ажиллах санамж бичгийг байгуулах чиглэлээр ажиллаж байгаа бөгөөд ГХЯ-нд санамж бичгийн төсөл хүргүүлсэн гэдгээ нэмж мэдээллээ. Түүнчлэн өвлийн спорт, ялангуяа багийн хоккейн спортыг хамтран хөгжүүлэх, өвлийн спортын байгууламж барих талаар канадын туршлагаас суралцах талаар санал солилцсон юм.
Нэмж мэдээлэхэд, МУИС нь Торонто хотын Йоркийн их сургуультай, ШУТИС нь Бритиш Колумбийн их сургууль болон Калгарийн их сургуультай, ХААИС нь Саскачеваны их сургуультай тус тус шууд хамтран ажиллаж байна.
Монгол Улс Канад Улстай дипломат харилцаа тогтоосны 45 жилийн ой энэ онд тохиож байгааг уулзалтын эхэнд салбарын сайд онцлоод, Канад Улсын Олон улсын боловсролын товчоо (CBIE)-той хамтран ажиллах тухай харилцан ойлголцлын санамж бичгийг 2014 онд байгуулсан бөгөөд ирэх онд тус санамж бичгийн шинэчилж, хэрэгжүүлэх хүсэлтэй байгаагаа Элчин сайдад уламжлав.
Түүнчлэн шинжлэх ухааны салбарт хөдөө аж ахуйн хүрээлэнгүүдийн материаллаг бааз, туршилт үйлдвэрлэлийн чадавхийг нэмэгдүүлэх, ногоон технологийн чиглэлээр урт хугацааны хамтарсан төсөл хэрэгжүүлэх боломжийг судлах, шинжлэх ухааныг түгээн дэлгэрүүлэх, ахлах ангийн сурагчид болон оюутнуудад шинжлэх ухааны боловсролыг олгох, шинжлэх ухааны музей байгуулахад канадын холбогдох байгууллагуудаас дэмжлэг авах хүсэлтэй буйгаа хэлсэн юм. Мөн залуу судлаачдыг хөгжүүлэх хөтөлбөрийг хэрэгжүүлэх, тэднийг канадын эрдэм шинжилгээний байгууллагуудад дадлагажуулах, эрдэмтэн солилцооны хөтөлбөр хэрэгжүүлэх сонирхлоо илэрхийллээ.
Дэлхий даяар залуус инновацийн өргөн хүрээний мэдлэг, мэдээлэлтэй болж буй энэ цаг үед инновацийн дэд бүтцийг хөгжүүлэх, үндэсний инновацийн тогтолцоог боловсронгуй болгоход хамтарч ажиллах, их сургууль, эрдэм шинжилгээний байгууллагуудын инновацийн үйл ажиллагаатай холбоотой санал, санаачилгыг дэмжих, инноваци, энтрепренершипийг хөгжүүлэх чиглэлээр тогтмол сургалт явуулах, улмаар холбогдох байгууллагуудаас технологи-инновацийн чиглэлээр зөвлөх, сайн дурын мэргэжилтэн авч ажиллуулах гэх мэт ажил хэрэгч санаачилга гаргасан юм.
Мөн спортын салбарт Канад улстай хамтран ажиллах санамж бичгийг байгуулах чиглэлээр ажиллаж байгаа бөгөөд ГХЯ-нд санамж бичгийн төсөл хүргүүлсэн гэдгээ нэмж мэдээллээ. Түүнчлэн өвлийн спорт, ялангуяа багийн хоккейн спортыг хамтран хөгжүүлэх, өвлийн спортын байгууламж барих талаар канадын туршлагаас суралцах талаар санал солилцсон юм.
Нэмж мэдээлэхэд, МУИС нь Торонто хотын Йоркийн их сургуультай, ШУТИС нь Бритиш Колумбийн их сургууль болон Калгарийн их сургуультай, ХААИС нь Саскачеваны их сургуультай тус тус шууд хамтран ажиллаж байна.
