Монголын бейсбол, софтболын дасгалжуулагч нарт сургалт явуулж байна
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Монголын үндэсний олимпийн хороо/МҮОХ/, Олон улсын олимпийн хороо /ОУОХ/-ны Эв санааны нэгдлийн хөтөлбөр хэрэгжиж байна.
Тус хөтөлбөрийн хүрээнд Монголын бейсбол, софтболын холбоотой хамтран есдүгээр сарын 25-30-нд Улаанбаатар хотноо сургалт зохион байгуулж байна. МҮОХ-ны хурлын танхимд ОУОХ-ны эв санааны хөтөлбөрийн шугамаар Монголын бейсбол, софтболын багш, дасгалжуулагч, тамирчдад АНУ, Итали улсын эксперт багш нар таван өдрийн сургалт, семинар явуулах юм. Энэ сургалт, семинарын нээлтийн ажиллагаанд МҮОХ-ны ерөнхий нарийн бичгийн дарга, олимпийн аварга Э.Бадар-Ууган оролцлоо.
Бейсболын төрөл нь "Барселон-1992" олимпоос "Бээжин-2008" хүртэл албан ёсны төрөлд багтан орж байсан. Харин "Токио-2020" олимпийн наадамд бейсбол, софтбол болон албан ёсны төрөлд эргэн ирж байгаа аж.
Д.Өлзий