Улаанбаатар
Токио хотын их театрын тайзнаа МУГЖ Д.Алтанхуяг тусгай зочноор уригдан бүжиглэв
МОНГОЛЫН МЭДЭЭ | ГХЯ-НЫ МЭДЭЭ
Монгол, Японы хооронд дипломат харилцаа тогтоосны 45 жилийн ойд зориулан японы алдарт “Токио Комаки” балетаас Токио хотын Улсын эрдмийн их театрын тайзнаа нэгдүгээр сарын 28-29-ны өдөр тавьсан “Хунт нуур” бүжгэн жүжигт МУГЖ, Соёлын элч Д. Алтанхуяг тусгай зочноор уригдан бүжиглэв.
Хоёр улсын хооронд дипломат харилцаа тогтоосны 45 жилийн ойг энэ оны турш тэмдэглэх бөгөөд энэ хүрээнд “Токио Комаки” балет ирэх зургадугаар сард Улаанбаатар хотноо бүрэн хэмжээний тоглолт толилуулна. “Токио Комаки” балет нь 1946 онд байгуулагдаж, Япон Улсад анх удаа “Хунт нуур” бүжгэн жүжгийг тавьсан түүхтэй бөгөөд 2002, 2012 онд Монгол, Японы хооронд дипломат харилцаа тогтоосны 30, 40 жилийн ойг тохиолдуулан Улаанбаатар хотод айлчлан тоглож байв.
