Гурван суманд хонины "цэцэг" өвчин илэрчээ
МОНГОЛЫН МЭДЭЭ | ХУУЛЬТөв аймгийн Баян сум, Дундговь аймгийн Дэрэн, Эрдэнэдалай суманд хонины гоц халдварт "цэцэг" өвчин илэрсэн талаар ОБЕГ-аас мэдээлж байна.
Тодруулбал Төв аймгийн Баян сумын Цант багийн “Бөөрийн гол” гэдэг газар малчин Б-н 11 хонинд малын гоц халдварт “Цэцэг” өвчний шинж тэмдэг илэрч, өвчилсөн малаас дээж авч УМЭАЦТЛ-д шинжлүүлэхэд “Хонины цэцэг” өвчин болох нь тогтоогдсон байна.
Мөн Дундговь аймгийн Дэрэн сумын Саруул багийн “Зүүн хужирын бууц” гэдэг газар малчин Б-н 82 хонинд, Эрдэнэдалай сумын Сангийн далай багийн “Бөгтөрийн усны хүрэн дэл” гэдэг газар малчин Ө-н хонинд малын гоц халдварт “цэцэг” илэрчээ.
Н.Туяа