АХАИББХ-ын Ерөнхий нарийн бичгийн даргатай хамтын ажиллагааны асуудлаар санал солилцов

b.tuul@montsame.gov.mn

2025-06-08 10:05:15

Улаанбаатар, 2025 оны зургаадугаар сарын 8 /МОНЦАМЭ/. Гадаад харилцааны яамны Төрийн нарийн бичгийн дарга Л.Мөнхтүшиг Азид хамтын ажиллагаа, итгэлцлийг бэхжүүлэх бага хурал (АХАИББХ)-ын Ерөнхий нарийн бичгийн дарга Кайрат Сарыбайтай энэ сарын 6-нд уулзаж, хамтын ажиллагааны асуудлаар санал солилцов.

Монгол Улс бүс нутгийн энх тайван, аюулгүй байдал, тогтвортой хөгжил, итгэлцлийг бэхжүүлэхэд чиглэсэн хамтын ажиллагаанд чухал ач холбогдол өгч, хувь нэмэр оруулахыг зорьж буйг Төрийн нарийн бичгийн дарга Л.Мөнхтүшиг тэмдэглээд, цаашид АХАИББХ-тай илүү үр дүнтэй, идэвхтэй хамтран ажиллах сонирхолтой байгаагаа илэрхийлэв.

Бүс нутаг, олон улсын өмнө тулгарч буй сорилт бэрхшээлийг шийдвэрлэхэд Монгол Улсын оруулж буй хувь нэмрийг АХАИББХ-ын Ерөнхий нарийн бичгийн дарга К.Сарыбай өндрөөр үнэлж, цаашид хамтын ажиллагаагаа өргөжүүлэн, бэхжүүлэхийн төлөө байгаагаа онцлон тэмдэглэв гэж ГХЯ-наас мэдээллээ.

АХАИББХ-ын Ерөнхий нарийн бичгийн даргатай хамтын ажиллагааны асуудлаар санал солилцов

Холбоотой мэдээ

Түр саатуулах хугацааг хүнийг саатуулсан цагаас эхлэн тооцно

Татвар төлөгчдийн эрх, ашиг сонирхлыг хамгаалах хуулийн зохицуулалт хэрэгжиж байна

ОУУЗХ-ны Ази-Номхон далайн бүсийн даргыг хүлээн авч уулзав

Өргөмжит консул М.Калсадад патент гардуулав

Оманы Элчин сайд Нассер Аль-Бусайдиг хүлээн авч уулзав

"Тэрбум мод" хөдөлгөөний хүрээнд Чех Улстай ногоон хөгжлийн төсөл хэрэгжүүлж байна

Унгар Улсын Төрийн нарийн бичгийн даргын орлогч Силадий Петерийг хүлээн авч уулзлаа

Ерөнхийлөгч У.Хүрэлсүх НҮБ-ын 8 дахь Ерөнхий нарийн бичгийн дарга Бан Ги Мүнийг хүлээн авч уулзлаа

Монгол, Канадын хууль тогтоох байгууллага хоорондын хамтын ажиллагааны хүрээнд санал солилцов

бидэнтэй нэгдэх

Хандалт