Сумдын хурал төсвийн тодотголоо хэлэлцэж байна
ОРОН НУТГИЙН МЭДЭЭ | ДОРНОГОВЬДорноговь аймгийн ИТХ-ын ээлжит 2 дугаар хуралдаан есдүгээр сарын 29-нд болж аймаг орон нутгийн нийгэм эдийн засгийг 2016-2020 онд хөгжүүлэх үндсэн чиглэл, байгаль орчин, газар зохион байгуулалт, төсөв санхүүтэй холбоотой 10-аад асуудлыг хэлэлцэн шийдвэрлэсэн.
Хуралдаанаар орон нутгийн нийгэм эдийн засгийн байдал, хөрөнгө санхүүгийн хүндрэл бэрхшээлтэй холбогдуулж 2016 оны үндсэн чиглэлд өөрчлөлт оруулж 3 бодлого бүхий 18 заалтыг хэрэгжүүлэх боломжгүй гэж хассан байна.
Мөн 2016 оны төсвийн тодотголд ч нэлээд өөрчлөлтийг хийсэн аж. Ийнхүү тус аймгийн ИТХ-аас 2016 оны үндсэн чиглэл болон төсвийн тодотголд нэмэлт өөрчлөлт оруулсан тул төсөв санхүүгийнхээ асуудлыг хэлэлцэхээр сумдын ИТХ хуралдаж байна.
Алтанширээ сумын ИТХ есдүгээр сарын 30-нд хуралдсан бол аравдугаар сарын 04-нд Иххэт сумын ИТХ хуралдаж буй.
Х.Эрдэнэбулган