Улаанбаатар
Улаанбаатарт болох Зүүн Азийн наадмын бэлгэдлийг танилцуулав
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Өнөөдөр Монголын хүүхдийн ордонд “Улаанбаатар-2023” Зүүн Азийн залуучуудын наадмын бэлгэдлийг ЕБС-ийн сурагчдад танилцуулах ёслолын үйл ажиллагааг тус наадмыг Зохион байгуулах хороо /ЗБХ/-ноос зохион байгуулав.
Улаанбаатар хотноо анх удаа зохион байгуулах Зүүн Азийн
залуучуудын наадам нь 2023 оны 8 дугаар сарын 16-23-ны өдрүүдэд үргэлжилж спортын
12 төрлөөр шилдгүүдээ тодруулах юм.
Энэхүү үйл ажиллагааны эхэнд МХО-ы бүжгийн дугуйлангийн
сурагчид “Black mambo” K-POP бүжгээ хүрэлцэн
ирсэн сурагчдад толилуулсан бөгөөд дараа нь “Улаанбаатар-2023” Зүүн Азийн
залуучуудын наадмын 12 спортын төрлийг үзүүлсэн дүрс бичлэгийг үзүүлсэн.
“Улаанбаатар-2023” Зүүн Азийн залуучуудын наадмын
бэлгэдэл /Маскот/ танилцуулах үйл ажиллагааг нээж тус наадмыг ЗБХ ХК-ийн
Гүйцэтгэх захирал П.Буяндэлгэр үг хэллээ.
Энэхүү бэлгэдэл танилцуулах үйл ажиллагаанд ЕБС-ийн олон
зуун сурагчдаас гадна хүндтэй зочдоор НЗДТГ-ын Нийгмийн бодлогын хэлтсийн даргын
албан үүргийг орлон гүйцэтгэгч Б.Мөнгөншагай, Олимпын хүрэл медальт, Дэлхийн
аварга Ц.Цогтбаатар, холимог тулааны тамирчин Б.Баттөр /Ангууч/, Улаанбаатар-2023” Зүүн Азийн залуучуудын наадмын бэлгэдлийг зурсан зураач Э.Төвшинтөр, хүүхэлдэй урлаач Б.Бямбацэрэн, МХО-ы
Дуулаачийн болон бусад дугуйлангийн сурагчид оролцсон юм.
Мөн энэ үеэр хүрэлцэн ирсэн хүүхдүүдийн дундаас / үзэгч хүүхдүүдийн суудалд азтан байгаа аж/ тодруулж, тусгайлан бэлтгэсэн шагналыг гардуулсан юм.
