Тайваньд долоо хоногт халдварын 400 мянга гаруй тохиолдол илэрчээ

ДЭЛХИЙД | Эрүүл мэнд
khulan@montsame.gov.mn
2022-05-16 11:54:07

ТАЙБЭЙ. /China Daily/. Тайваньд өнгөрсөн долоо хоногийн даваагаас ням гаргийн хооронд “COVID-19” халдварын 411 мянга гаруй тохиолдол шинээр илэрснийг тус арлын өвчинд хяналт тавих агентлагаас танилцуулсан мэдээлэл харуулжээ.


Тодруулбал, ням гарагт халдварын 68769 тохиолдол илэрснээр өдөрт илэрсэн халдварын тохиолдлын тоо дөрвөн өдөр дараалан 60 мянга давсан байна.


Сүүлийн хоногт шинээр илэрсэн тохиолдлуудын 68 732 нь дотоодод халдварласан бол 37 нь зөөвөрлөгдөн иржээ.


COVID-19”-ийн шинэ тохиолдлуудын тоо хамгийн ойрдоо тавдугаар сарын 20-нд оргил үедээ хүрч, өдөрт ойролцоогоор 100 мянган тохиолдол илрэх төлөвтэй байна гэж тус агентлаг мэдээлсэн байна.


Тайваньд ням гаргийн байдлаар “COVID-19” халдварын 768 543 тохиолдол илэрч, халдварын улмаас 203 хүн нас баржээ. 

Холбоотой мэдээ