Улаанбаатар
Мэргэжлийн сүмогийн домогт их аварга Чиёнофүжи нас нөгчжээ
ДЭЛХИЙН МЭДЭЭТОКИО. /Kyodo/. Японы мэргэжлийн сүмо бөхийн их аварга асан Чиёнофүжи 61 насандаа нас нөгчлөө.
Ёкозүна Чиёнофүжи өнгөрсөн ням гарагт Токиогийн их сургуулийн эмнэлэгт нас нөгчжээ.
Нойр булчирхайн хорт хавдрын улмаас тэрбээр өнгөрсөн онд мэс засалд орж байсан юм.
Мэргэжлийн сүмод барилдаж байхдаа Чиёнофүжи аварга Японы эзэн хааны цомыг 31 удаа хүртэж байсан билээ. “Чоно” хочит их аварга дийлдэшгүй хүч чадлаараа алдаршсан нэгэн байсан юм.
Чиёнофүжи аварга 1955 онд Хоккайдо мужийн Фүкүшима хотод мэндэлжээ. Тэрбээр 1970 онд 15 настайдаа мэргэжлийн сүмод хөл тавьсан бөгөөд 1981 онд сүмогийн хамгийн дээд цол болох "ёкозүна" цолыг хүртэж байсан аж.
Тэрбээр 1991 онд зодог тайлснаасаа хойш “Коконоэ” дэвжээг хариуцан ажиллаж байсан юм.
Г.Доржханд
