Азийн танхимын болон тулааны спортын VI наадмын бүртгэл үргэлжилж байна
МОНГОЛЫН МЭДЭЭ | СПОРТУлаанбаатар /МОНЦАМЭ/. Азийн танхимын болон тулааны спортын 6 дугаар наадамд оролцох боломжтой Монголын спорт холбоодыг 2021 оны 11 дүгээр сарын 1 хүртэл бүртгэнэ.
Азийн олимпын зөвлөл /АОЗ/-ийн ивээл дор зохион байгуулдаг тус наадам 2022 оны 3 дугаар сарын 10-20-нд Тайландын Бангкок болон Чонбури хотод болох юм.
Монголчууд энэхүү наадамд
усанд сэлэлт, 3х3 сагсан бөмбөг, бадминтон, бильярд, боулинг, хөгжөөн
дэмжигчид, шатар, хадан хананд авиралт, бүжгийн спорт, е-спорт, футзал, хөнгөн
атлетик, сэлүүрт завь, жюү-жицү, каратэ, кикбокс, кураш, муай-тай бокс, самбо,
буудлага, скейтборд, таеквондо, волейбол, агаарын спорт зэрэг төрлөөр өрсөлдөх
боломжтой.
Ирэх жилийн уг наадамд АОЗ-ийн
45 орноос гадна далайн орнуудын төлөөлөл 18, нийт 63 улсын баг тамирчид хурд хүч, ур чадвараа сорин өрсөлдөх юм.
Манай тамирчид 2017 онд
Туркменистаны Ашгабат хотноо болсон өмнөх наадмаас 5 алт, 10 мөнгө, 15 хүрэл,
нийт 30 медаль хүртэж, багийн дүнгээр 63 орноос 13 дугаар байрт бичигдэж байжээ.