Сэлэнгэ мөрний усны түвшин 5-80 см нэмэгдэн үерлэсээр байна

Монголын мэдээ | Нийгэм
uransolongo49@gmail.com
2021-09-13 18:15:51

Улаанбаатар /МОНЦАМЭ/. Энэ сарын 13-ны байдлаар Орхон голын адаг, Улз голын нийт уртын дагууд, Лүн сумын орчимд Туул гол, Дадал сумын орчимд Балж голын усны түвшин өмнөх өдрийнхөөс 10-20 см нэмэгдэж, Бэлтэс, Үүр, Орхон, Идэр, Байдраг, Онги, Улз, Хэрлэн, Онон, Чонохарайх зэрэг гол үерийн түвшин 5-80 см давжээ.


Мөн цаг уурын байгууллагын мэдээллээр, Сэлэнгэ мөрний нийт уртын дагууд Баянхошуу сум орчмоор Халх гол үерийн аюултай түвшинг 10-50 см даван хүчтэй үерлэсэн хэвээр байна.


Иймд дээрх голууд болон гол мөрний сав дагуу суурьшиж, нутаглаж буй малчид, ард иргэдийг үерийн аюулаас болгоомжтой байхыг онцгойлон анхааруулж байна.

Холбоотой мэдээ