“Хангай-21” хамтарсан дадлага сургууль эхэллээ

МОНГОЛЫН МЭДЭЭ | НИЙГЭМ
d.uransolongo@montsame.gov.mn
2021-09-13 12:23:01

Улаанбаатар /МОНЦАМЭ/. ОБЕГ, АНУ-ын Элчин сайдын яам, Иргэн цэргийн харилцааны дэмжлэгийн багтай хамтран “Хангай-21” гамшгийн хор уршгийг арилгах, туршлага солилцох дадлага сургуулийг Архангай аймагт энэ сарын 12-24-нд зохион байгуулж байна.


“Хангай-21” нь Монгол Улсад 2009 оноос хойш тасралтгүй зохион байгуулж ирсэн “Говийн чоно” сургалтын үргэлжлэл юм.


Энэ удаагийн  сургалтад гадаад, дотоодын нийт 130 гаруй хүн оролцох ба ОБЕГ-ын харьяа Үндэсний аврах бригад, Өмнөд бүсээс Өвөрхангай, баруун бүсээс Завхан, хойд бүсээс Архангай, Булган, Хөвсгөл аймгуудын төлөөллүүдийг оролцуулна.




Түүнчлэн “Гамшгийн удирдлага”, “Команд штабын дадлага”, “Өндрөөс аврах олсны сургалт”, “Давчуу орон зайнаас аврах ажиллагаа”, “Нурангиас аврах ажиллагаа”, “Хээрийн эмнэлэг дэлгэх ажиллагаа”, “Нэрвэгдэгчийг эрэмбэлэн ангилал”, “Олон нийттэй харилцах”, “Хүмүүнлэгийн тусламжийн үеийн цэргийн дэмжлэг”, “Дуурайлган үзүүлэх дадлага сургууль” гэсэн хэлбэрээр явагдах юм.


Сургалтыг АНУ-ын Иргэн цэргийн харилцааг дэмжих багийн сургагч багш нар удирдана.

Холбоотой мэдээ