"Тоглоомын талбай-Хүүхэд" арга хэмжээг зохион байгуулж байна
ОРОН НУТГИЙН МЭДЭЭ | ГОВЬ-АЛТАЙГовь-Алтай /МОНЦАМЭ/. Коронавирусний халдвараас урьдчилан сэргийлэх зорилгоор "Тоглоомын талбай-Хүүхэд" арга хэмжээг Цагдаагийн газраас зохион байгуулж байна.
Тодруулбал, Монгол Улсын Засгийн газар, Улсын Онцгой комиссын шийдвэрээр “Бүх нийтийн бэлэн байдлын зэрэгт шилжүүлсэн”–тэй холбогдуулан аймгийн Засаг даргын А/176 дугаар захирамжийн хэрэгжилтийг хангах, насанд хүрээгүй хүнийг гэмт хэрэг, зөрчилд өртөж хохирохоос урьдчилан сэргийлэх, иргэдэд коронавируст халдвараас урьдчилан сэргийлэх зөвлөмж, сэрэмжлүүлэг тараах чиглэлээр ерөнхий боловсролын сургуулиудтай хамтран “Тоглоомын талбай-Хүүхэд” хэсэгчилсэн арга хэмжээг зохион байгуулан ажиллаж байна. Энэхүү арга хэмжээний хүрээнд ерөнхий боловсролын сургуулийн багш нарыг мэргэжил, арга зүйгээр ханган өдрийн цагаар “Нийтийн эргүүл”-д ажиллуулж байгаа ажээ. Тэд иргэдэд гэмт хэрэг, зөрчлөөс урьдчилан сэргийлэх яриа таниулга хийж, зөвлөмж, сэрэмжлүүлэг тараан ажиллаж байна. Тиймээс эцэг эхчүүдийг хүүхдэдээ тавих хараа хяналтаа сайжруулахыг аймгийн Цагдаагийн газраас анхаарууллаа.