Улаанбаатар
Нэг саяын азтанаар 264 хүн тодорчээ
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. НӨАТ-ын сугалааны ээлжит тохирол өчигдөр явагдав. Энэ удаагийн тохиролд 2020 оны 12 дугаар сарын 1-31-ний хооронд худалдаа хийж, цахим татварын системд бүртгүүлсэн 26.248.898 баримт хамрагдав. Үүнээс:
- 30 мянган төгрөгийн азтан – 23.431
- 100 мянган төгрөгийн азтан – 2362
- Нэг сая төгрөгийн азтан – 264
- Гурван сая төгрөгийн азтан – 28
- Таван сая төгрөгийн азтан – хоёр
Энэ удаагийн тохирлын супер шагналын сан 30 сая төгрөг байсан ч азтан тодорсонгүй. Супер сугалааны дугаар 23058994 байжээ.
Ташрамд мэдээлэхэд, НӨАТ-ын сугалааны явцад хийж буй хяналт шалгалтын дүн энэ 7 хоногт дуусаж буй тухай ШӨХТГ мэдээлж байна. Хяналт шалгалтын дүнг Монгол Улсын Шадар сайдад нэгтгэн хүргүүлэх аж.
