Коронавирусний шинэ хувилбар 41 улс орон, нутаг дэвсгэрт бүртгэгджээ

ДЭЛХИЙН МЭДЭЭ | ЭРҮҮЛ МЭНД
ayanzaya@montsame.gov.mn
2021-01-06 08:48:27

ЖЕНЕВ. /TASS/. Хамгийн анх Их Британид илэрсэн коронавирусний шинэ хувилбараар халдварласан тохиолдол дэлхийн 41 улс орон, нутаг дэвсгэрт бүртгэгджээ.


Их Британид илэрсэн коронавирусний VOC-202012/01 хувилбар мягмар гаргийн байдлаар ДЭМБ-ын зургаан бүс нутгийн тавд нь буюу 40 улс орон, нутагт дэвсгэр, бүсэд бүртгэгдсэн байна. Энэ төрлийг бусад хувилбараасаа илүү хурдан халдварладаг гэж үзээд байгаа билээ.


Үүнээс гадна ӨАБНУ-д анх илэрсэн коронавирусний “501Y.V2” төрөл 6 улс орон, нутаг дэвсгэр, бүсэд бүртгэгджээ.


Өнгөрсөн долоо хоногт коронавирусээр халдварласан хүний тоо 4 035 226-аар нэмэгдэж, 76 017 хүн нас баржээ. Халдварын дийлэнх тохиолдлууд Хойд болон Өмнөд Америкт илэрсэн байна. Хоёрдугаарт Европын бүс, гуравдугаарт Зүүн Өмнөд Ази оржээ.

Холбоотой мэдээ