Абэ, Моди, Моррисон нарыг Трамп "Хүндэт легион"-ы одонгоор шагнажээ
ДЭЛХИЙН МЭДЭЭ | УЛС ТӨРВАШИНГТОН. /TASS/. АНУ-ын Ерөнхийлөгч Дональд Трамп Японы Ерөнхий сайд асан Абэ Шинзо, Энэтхэгийн Засгийн газрын тэргүүн Нарендра Моди, Австралийн Ерөнхий сайд Скотт Мориссон нарыг тус улсын цэргийн шагнал болох “Хүндэт легион”-ы одонгоор шагнажээ.
Энэ тухай Америкийн удирдагчийн үндэсний аюулгүй байдлын асуудал эрхэлсэн туслах Роберт О'Брайен мэдээлжээ. Тэрбээр АНУ-д суугаа Япон, Энэтхэг, Австралийн Элчин сайд нарт шагналыг шилжүүлэн өгсөн байна. Японы Ерөнхий сайд асан Абэг “Энэтхэг-Номхон далайн бүс нутгийн чөлөөтэй, нээлттэй байдлыг хангахад оруулсан хувь нэмэр, алсын харааг нь” үнэлж уг одонгоор шагнасан бол Модид “Америк-Энэтхэгийн стратегийн түншлэлийг бэхжүүлэхэд манлайлсных нь төлөө”, Моррисонд “дэлхийн нийтэд тулгарсан сорилт бэрхшээлүүдэд хариу арга хэмжээ авах, хамтын аюулгүй байдлыг хангах үйлсэд оруулсан хувь нэмрийг нь үнэлж” энэхүү шагналыг олгожээ.