Хойшлогдоод байсан прокурорын хэргийг шүүнэ

МОНГОЛЫН МЭДЭЭ | ХУУЛЬ
batsaikhan@montsame.mn
2016-05-12 17:34:40

Хар тамхины хэрэгт холбогдоод байгаа прокуроруудыг  өнгөрөгч оны 7 дугаар сард эрүү үүсгэн шалгаж эхэлснийг бид өмнө мэдээлж байсан. Хэд хэдэн удаа хойшлогдсон энэ хэргийн  шүүх хурал энэ сарын 17-нд болно.

Уг хэргийг Нийслэлийн Баянгол, Хан-Уул, Сонгинохайрхан дүүргийн Анхан шатны шүүхэд хэлэлцэж хэргийг нэмэлт мөрдөн байцаалтад буцаасан. Учир нь хэргийн бүрдэлт дутуу хийгдсэн гэж үзсэнээс хойшлуулж байв. Хэрэгт холбогдсон Х.Тамир гэгч нь Тээврийн прокурорын газрын хяналтын прокурор хийдэг байжээ. Мөн  УИХ-ын гишүүн асан Д.Хувьтөгөлдөрийн хүү, Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн шүүгч Х.Идэрийн төрсөн ах гэдгээрээ олны анхаарлыг татсаар байна.

Ж.Батсайхан

Холбоотой мэдээ