Жаргалант сумын нутагт гарсан түймрийг бүрэн унтраахаар ус зөөвөрлөж байна

Орон нутагт | Хөвсгөл
gantuyaB@montsame.mn
2020-04-19 12:02:35

Хөвсгөл /МОНЦАМЭ/. Хөвсгөл аймгийн Жаргалант сумын 1 дүгээр багийн Тойн Баян-Уулын Мухарт гарсан ойн түймрийг бүрэн унтраахаар нутгийн иргэд ус зөөвөрлөж байна.


Түймэр энэ сарын 16-нд гарч 20 орчим га талбай шатжээ. Түймрийг тус сумын  1, 2 дугаар ээлжийн албан хаагчид, багийн иргэд, эрэгтэй бүх төрийн албан хаагчид нийт 60 гаруй хүний бүрэлдэхүүнтэй 10 гаруй машин техник, 20 орчим мотоциклтой ажиллаж цурманд оруулж, тархалтыг зогсоосон.


Өчигдөр орой аймгийн Онцгой байдлын газрын 11 албан хаагч хүч нэмэгдүүлэн ирсэн байна. Өнөөдөр түймрийг бүрэн унтраахаар голоос ус зөөвөрлөн ажиллаж байна.


Холбоотой мэдээ