Дина Аверина Уран сайхны гимнастикийн дэлхийн аварга болжээ

Дэлхийд | Спорт
ayanzaya@montsame.gov.mn
2019-09-18 10:26:45

БАКУ. /TASS/. Азербайжаны Баку хотноо болж буй Уран сайхны гимнастикийн насанд хүрэгчдийн 37 дахь удаагийн Дэлхийн аварга шалгаруулах тэмцээний бөмбөгтэй дасгалын төрөлд ОХУ-ын тамирчин Дина Аверина алтан медаль хүртжээ.


Өдгөө 21 настай тамирчин бүсгүй 23.500 оноо авсан байна. Тэмцээний хоёрдугаар байранд түүний дүү Арина Аверина орсон бол Израилийн тамирчин Линой Ашрам гуравдугаар байрыг эзэлжээ.


Тэмцээний цагирагтай дасгалд өмнө нь ОХУ-ын тамирчин Екатерина Селезнева түрүүлж, Ашрам хоёрдугаар байрын эзэн болсон байна. Энэ төрөлд Дина Аверина гуравдугаар байранд оржээ.


Ийнхүү Дина Аверина ДАШТ-ий 9 удаагийн аварга болсон юм. Түүнчлэн тэрбээр ДАШТ-ээс хоёр мөнгө, нэг хүрэл медаль хүртэж байсан удаатай. Европын аварга шалгаруулах тэмцээнд Аверина 6 удаа түрүүлж, 3 удаа мөнгөн медалийн эзэн болж байжээ.


Түүний дүү Арина Аверина ДАШТ-ий 3 удаагийн аварга юм. Уран гимнастикийн ДАШТ энэ сарын 22-нд дуусна. 

Холбоотой мэдээ