Завьт эргүүлүүд 27 иргэнийг аварчээ
МОНГОЛЫН МЭДЭЭ | ХУУЛЬУлаанбаатар /МОНЦАМЭ/. Баянзүрх дүүргийн Хар усан тохойгоос Яармагийн гүүрийн хооронд үүрэг гүйцэтгэж буй завьт эргүүлүүд 27 иргэнийг аварсан талаар ОБЕГ-аас мэдээлэв.
Гол усны осол, уер усны аюулаас урьдчилан сэргийлэх сэрэмжлүүлгийг ард иргэдэд хүргэх, голын усанд живэхээс урьдчилан сэргийлэн зорилгоор НОБГ-ын харьяа Нийслэлийн Аврах анги 105-ын алба хаагчид, Цагдаагийн байгууллагатай хамтран завьт эргүүлийг энэ оны зургадугаар сарын 10-наас ажиллуулж эхэлсэн. Алба хаагчид энэ сарын 08-ныг хүртэлх хугацаанд нийт 27 иргэнийг усанд живэхээс аварч, усанд суусан зургаан автомашиныг татан гаргажээ.
Завьт эргүүлүүд есдүгээр сарын 10-ныг дуустал ажиллана.