“Brexit”-ийг хойшлуулах саналыг дэмжжээ
ДЭЛХИЙН МЭДЭЭ | УЛС ТӨРЛОНДОН. /ТАСС/. Их Британи Европын Холбооны бүрэлдэхүүнээс гарах үйл явц буюу
“Brexit”-ийн
хугацааг ирэх 6 дугаар сарын сүүлч хүртэл хойшлуулах Засгийн газрын саналыг парламентын гишүүд дэмжжээ. Өнгөрсөн пүрэв гарагт явуулсан санал хураалтад “Brexit”-ийн хугацааг хойшлуулахыг 412 депутат дэмжсэн бол 202
нь эсэргүүцжээ.
Их Британийн Ерөнхий сайд Тереза Мэйн ЕХ-ны удирдагчидтай яриа хэлэлцээ
хийх үеэрээ зөвшилцөлд хүрч чадсан “Brexit”-ийн нөхцөлүүдийн тухай хэлэлцээрийн төслийг парламент 3 дугаар сарын 20-ноос өмнө баталсан тохиолдолд Засгийн газар “Brexit”-ийн товыг ирэх 6 дугаар сарын 30 хүртэл хойшлуулах
хүсэлтээ ЕХ-нд илгээх ёстой аж.
Өнгөрсөн мягмар гарагт Т.Мэй дахин ялагдал хүлээж, парламентын гишүд “Brexit”-ийн нөхцөлийн талаарх хэлэлцээрийг хоёр дахь удаагаа
батлаагүй хэдий ч тэрбээр бууж өгөх бодолгүй байгаа бөгөөд ирэх долоо хоногт парламентаар батлуулах гурав дахь оролдлогоо хийхийг зорьж байна.