Улаанбаатар
Сэлэнгэ аймгийн Мандал сумын нутагт болсон газар хөдлөлт нутгийн иргэдэд мэдрэгдээгүй байна
ОРОН НУТГИЙН МЭДЭЭ | СЭЛЭНГЭ
Сэлэнгэ/МОНЦАМЭ/. Сэлэнгэ
аймгийн Мандал сумын Тарни багийн “Оргонтын нуруу” гэдэг газар /сумын төвөөс
зүүн хойд зүгт 40 км/-т энэ
сарын 19-ний өглөө 07:00 цагт 3.6 магнитудын хүчтэй газар
хөдлөлт болсон байна.
Сэлэнгэ
аймгийн Мандал сумын Засаг дарга Н.Лхагвадоржоос тодруулга авахад тухайн газар гурван өрх айл нутагладаг. Энэхүү газар хөдлөлтийн чичирхийлэл
тэдгээр айл өрхүүдэд мэдрэгдээгүй
байсан хэмээн мэдээлэл өгсөн байна. Энэхүү газар хөдлөлтийн мэдээллийг өнөөдөр өглөө 08:00 цагт Одон орон, геофизикийн хүрээлэнгээс
Онцгой байдлын ерөнхий газарт цахим шуудангаар хүргүүлжээ.
