Улаанбаатар
Хамгийн найдвартай автомашинуудыг нэрлэжээ
ДЭЛХИЙН МЭДЭЭ | НИЙГЭМ
МОСКВА. /RIA Novosti/. Америкийн “Consumer
Reports” сэтгүүлийн шинжээчид дэлхийн хамгийн найдвартай
автомашинуудын жагсаалтыг гаргасан байна.
Тус сэтгүүлийн мэргэжилтнүүд судалгаа хийх явцдаа хагас сая гаруй жолоочийн дунд санал асуулга явуулжээ. Судалгаанаас харахад, Азийн компаниудын хувьд Японы “Lexus”, “Toyota”, “Mazda”, “Subaru”, Өмнөд Солонгосын “Kia” загварын автомашинуудыг илүү найдвартай гэж үздэг байна. Харин Европын зах зээлд “Audi”, “BMW”, “Mini Cooper”, “Porsche” “Volkswagen” загварын автомашинуудыг аюулгүй байдлын тал дээр илүү найдвартайд тооцдог аж. Тэгвэл Америкийн бүс нутагт “Ford”, “Buick”, “Lincoln”, “Dodge” болон “Jeep” загварын машиныг илүүд үзжээ.
Үүнээс гадна, шинжээчид автомашины хамгийн аюулгүй загваруудын талаар санал асуулга явуулахад, түүнд оролцогсод “Lexus GX”, “Toyota Prius C”, “Mazda MX-5 Miata” болон “Subaru Crosstrek” загварыг нэрлэсэн байна.
