Ulaanbaatar
Цементийн нийлүүлэлтийг нэмэх тээврийн зохицуулалт хийж байна
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. “Монцемент билдинг материалс” ХХК-д 3-5 хоногт 15 хоппер вагон, хоногт 5 крытий вагон буюу багадаа 150 вагонаар хангах, шаардлагатай тохиолдолд дахин нэмэхээр боллоо.
Одоогоор “МАК
цемент” ХХК-д 22 вагон, “Монцемент
билдинг материалс” ХХК-д 21 вагон тавьж ачилт хийгээд байна. Энэ талаар БХБЯ-ны Барилгын материалын үйлдвэрлэлийн
хэлтсийн дарга Д.Батзориг, мэргэжилтэн Б.Хосбаяр, “МАК цемент” ХХК-ийн
Борлуулалт хариуцсан Ерөнхийлөгч н.Базарханд, “Монцемент билдинг материалс”
ХХК-ийн үйл ажиллагаа хариуцсан захирал Ц.Халиун нар “УБТЗ” ХНН-ийн тээвэрлэлт,
хөдөлгөөн хариуцсан орлогч дарга Д.Амарбаясгалан нар уулзан ярилцаад дээрх шийдвэрүүдийг гаргажээ.
Түүнчлэн, “МАК
цемент” ХХК-д хоногт 10 крытий вагон буюу сард хамгийн багадаа 300 вагон хангах, шаардлагатай тохиолдолд дахин
нэмэх аж.
Дээрх асуудлыг шийдсэнээр
цементийн нийлүүлэлт нэмэгдэж, үнэ буурах боломж бүрдэнэ гэдгийг БХБЯ мэдээллээ.
