Ulaanbaatar
Аадар борооны үеэр зарим байшингийн дээвэр хуурч, гэр, хашаа нуржээ
ОРОН НУТГИЙН МЭДЭЭ | ДАРХАН-УУЛ
Дархан-Уул /МОНЦАМЭ / Өчигдөр буюу 7 дугаар сарын 30-ны орой 19:49 цагаас 21:49 цагийн хооронд Дархан-Уул аймгийн Дархан сумын нутагт хүчтэй салхи шуурч, аадар бороо орон цаг агаарын аюулт үзэгдэл боллоо. Аймгийн Ус, цаг уур, орчны шинжилгээний газрын ажиглалтын талбайд Дархан суманд салхины хурд 18 м/сек хүрсэн үзүүлэлттэй байсан ч гамшигт үзэгдлийн дараа мэргэжлийн байгууллагынхан газар дээр нь явж барилга байгууламжид учирсан хохирлын хэмжээг харан, нүдэн баримжаагаар үнэлэх үзүүлэлтээр салхины хүчийг 28,5 м/сек хурдтай байсан байж болзошгүй гэсэн мэдээллийг өгч байна.
Дархан суманд өчигдөр орой болсон гамшигт үзэгдэл 30 минут үргэлжилсэн бөгөөд 17,5 мм тунадас орсныг аймгийн УЦУОШГ-ын Технологийн хэлтсийн дарга Б.Энхжаргал хэлэв. Харин Орхон, Хонгор, Шарын гол сумдад орсон тунадасны хэмжээ харьцангуй бага ч салхины хэмжээ их байжээ.
Одоогийн байдлаар Дархан-Уул аймгийн хөдөөгийн 3 суманд хохирол гарсан талаарх мэдээ ирээгүй. Харин Дархан суманд 5 том объектын дээвэр хуурч унасан, мод бут хугарсан, зарим айл өрх, аж ахуй нэгж байгууллагын хашаа нурсан гэдэг мэдээллийг холбогдох байгууллагуудаас Дархан сумын Гамшгаас хамгаалах орон тооны бус албанд эхний байдлаар ирүүлээд байна.
Дуу цахилгаантай хүчтэй аадар борооны улмаас хүний амь нас, эрүүл мэнд хохирсон талаарх мэдээлэл одоогоор алга байна. Байгалийн гамшигт үзэгдлийн улмаас гарсан хохирлын хэмжээг тогтоон, бусад арга хэмжээг авч хэрэгжүүлэхээр холбогдох байгууллагууд хамтран ажиллаж байна.
Дархан суманд өчигдөр орой болсон гамшигт үзэгдэл 30 минут үргэлжилсэн бөгөөд 17,5 мм тунадас орсныг аймгийн УЦУОШГ-ын Технологийн хэлтсийн дарга Б.Энхжаргал хэлэв. Харин Орхон, Хонгор, Шарын гол сумдад орсон тунадасны хэмжээ харьцангуй бага ч салхины хэмжээ их байжээ.
Одоогийн байдлаар Дархан-Уул аймгийн хөдөөгийн 3 суманд хохирол гарсан талаарх мэдээ ирээгүй. Харин Дархан суманд 5 том объектын дээвэр хуурч унасан, мод бут хугарсан, зарим айл өрх, аж ахуй нэгж байгууллагын хашаа нурсан гэдэг мэдээллийг холбогдох байгууллагуудаас Дархан сумын Гамшгаас хамгаалах орон тооны бус албанд эхний байдлаар ирүүлээд байна.
Дуу цахилгаантай хүчтэй аадар борооны улмаас хүний амь нас, эрүүл мэнд хохирсон талаарх мэдээлэл одоогоор алга байна. Байгалийн гамшигт үзэгдлийн улмаас гарсан хохирлын хэмжээг тогтоон, бусад арга хэмжээг авч хэрэгжүүлэхээр холбогдох байгууллагууд хамтран ажиллаж байна.
Ж.Золзаяа
