ТӨВ: Мандлын цэцгийн үрсэлгээг эхлүүлжээ

ОРОН НУТГИЙН МЭДЭЭ | ТӨВ
tuv@montsame.mn
2026-04-15 10:48:04

Зуунмод, 2026 оны дөрөвдүгээр сарын 15 /МОНЦАМЭ/. "Зуунмод цэцэрлэгжүүлэлт" ОНӨААТГ нийтийн эзэмшлийн гудамж, талбайн өнгө үзэмжийг жил бүр олон өнгийн цэцгээр чимэглэн сайжруулж ирсэн бөгөөд энэ жил мандлын цэцгийн үрсэлгээг гуравдугаар сараас хийж эхэлжээ.


"Зуунмод цэцэрлэгжүүлэлт" ОНӨААТГ-ын ногоон байгууламж хариуцсан мэргэжилтэн С.Оюунчимэг, "Үрсэлгээ бойжиж, талбайд шилжүүлэн тарих хугацаа ойртож байна. Удахгүй хотын гудамж, талбайг өнгөлөг, үзэмж төгөлдөр цэцэгсээр чимнэ. Энэ жил 10 гаруй төрлийн мандлын цэцэг тарихаар төлөвлөсөн. Хоёр жилийн өмнө Зуунмод суманд нэг сая цэцэг тарьж байсан бөгөөд олон хүний хичээл зүтгэл, хөдөлмөрийн үр дүнд хотын өнгө үзэмж жилээс жилд сайжирч, иргэдийн ая тухтай, таатай орчныг бүрдүүлсээр байна" гэв.


2025 онд Зуунмод сумын нийтийн эзэмшлийн талбайд 72 мянган мод бут, сөөг тарьж ургуулжээ. 



Related news