УВС: Мэргэжлийн чиг баримжаа олгох сургалт, мэдээллийн өдөрлөг зохион байгуулав

ОРОН НУТГИЙН МЭДЭЭ | УВС
uvs@montsame.gov.mn
2026-04-14 13:26:43

Улаангом, 2026 оны дөрөвдүгээр сарын 14 /МОНЦАМЭ/. Ахлах ангийн сурагчдад ажил мэргэжлийн чиг баримжаа олгох, мэргэжил сонголтод зөвлөн туслах зорилгоор Улаангом политехник коллежийн хамт олон ерөнхий боловсролын 6 дугаар сургуулийн 9 дүгээр ангийн сурагчдыг урьж, энэ сарын 13-ны өдөр “Охид, хөвгүүдийн өдөрлөг”-ийг зохион байгуулжээ.


Энэ үеэр зочин сурагчдыг Улаангом политехник коллежийн сургалтын үйл ажиллагаа болон сургалтын орчинтой танилцуулж, ажил мэргэжлийн чиг баримжаа олгох сургалтад хамруулсан байна. Мөн тэдэнд мэргэжлийн чиглэлүүдийн талаар мэдээлэл өгч, цаашдын суралцах сонголтод нь дэмжлэг үзүүлжээ.


Мөн үеэр Улаангом политехник коллежийн 2020 оны шилдэг төгсөгч “ES fashion” брэндийг үүсгэн байгуулагч Э.Сувдыг урьж "Оёмол бүтээгдэхүүн үйлдвэрлэл"-ийн чиглэлээр зочин сурагчид болон мэргэжлийн ангийн суралцагчдад мэдээлэл өгснөөс гадна ажил мэргэжлийн чиг баримжаа олгох, ирдээдүйн зорилгоо тодорхойлох, суралцах идэвхийг нь нэмэгдүүлэх зорилгоор чөлөөт уулзалт, ярилцлага хийжээ.


Улаангом политехник коллежид 30 гаруй мэргэжлээр 600 гаруй сурагч сурч байна.




Related news