ДОРНОД: Аймгийн хэмжээнд 2500 орчим эмэгтэй мал аж ахуй эрхэлж байна
ОРОН НУТГИЙН МЭДЭЭ | ДОРНОД
Чойбалсан, 2026 оны гуравдугаар сарын 8 /МОНЦАМЭ/. Дорнод аймаг 85 мянга орчим хүн амтай. Үүнээс 41 мянга буюу 49.4 хувийг эмэгтэйчүүд эзэлж байна.
Аймгийн Татварын хэлтэст бүртгэлтэй хоёр мянга гаруй ААНБ, компани, хоршоо, нөхөрлөлийн 50 орчим хувийг эмэгтэйчүүд удирдаж байгаа юм. Тодруулбал, 1764 компанийн 743-ыг, 87 нөхөрлөлийн 41-ийг, 82 хоршооны 32-ыг эмэгтэйчүүд удирдаж байна.
Аймгийн хэмжээнд 8427 малчин байгаагаас 2537 нь эмэгтэй. Мөн өрх толгойлсон 4250 эмэгтэй байгаагаас 18 хүртэлх насны хүүхэдтэй 1652, 18 хүртэлх насны дөрөв ба түүнээс дээш хүүхэдтэй 177 эмэгтэй байна.
Эмэгтэйчүүдийн дундаж наслалт 74 байгаа нь эрэгтэйчүүдээс даруй найман жилээр урт насалж байгаа үзүүлэлт юм.
Түүнчлэн Дорнод аймгийн хэмжээнд 15-59 насны 17 мянга гаруй ажиллах хүч бий. Үүний дийлэнх хувь буюу долоон мянга гаруйг нь 30-39 насныхан эзэлж байна. Мөн хөгжлийн бэрхшээлтэй 1700 орчим эмэгтэй бий.
