ОТТАВА, 2025 оны есдүгээр сарын 22 /mining.com/. Канадын уул уурхайн “Erdene Resource Development” компани Монгол Улсын баруун өмнөд нутагт орших Баянхөндий уурхайд алт олборлож эхэлсэн нь хэрэгжиж эхэлснээс хойш 10 гаруй жил өнгөрч буй уг төслийн хувьд чухал үйл явдал боллоо.
“Erdene” компанийн ерөнхийлөгч бөгөөд гүйцэтгэх захирал Питер Акерли хэлэхдээ, 2015 онд анх илрүүлсэн энэхүү орд нь асар богино хугацаанд "Хѳндий" эрдсийн ордын тулгын чулуу болсон хэмээн онцолжээ.
Баянхөндийн уурхайгаас олборлосон алтыг Монгол Улсын Төв банканд тухайн үеийн зах зээлийн үнээр худалдсанаар тус улсын гадаад валютын нөөцийг бэхжүүлэхэд хувь нэмэр оруулна.
Өнгөрсөн даваа гарагт нэг унц алт 3682.51 ам.долларт хүрч шинэ дээд үзүүлэлтэд хүрээд байх үед уг уурхайг ашиглалтад оруулсан байна. Он гарсаар алтны ханш 40 хувиар өсөөд байгаа бөгөөд геополитикийн тодорхойгүй байдал, Төв банкууд алт худалдан авахаа нэмэгдүүлсэн нь нөлөөлжээ.
Уг уурхайг "Erdene" болон "Монголын уул уурхайн корпорац" (MMC) хуваан эзэмшиж байгаа бөгөөд "Erdene" компани 50 хувийн хувьцаа эзэмшиж, эхний 400 мянган унц алт олборлосны дараа ашигт малтмалын нөөц ашигласны төлбөрийн 5 хувийг буцаан авах эрхтэй. MMC үлдсэн 50 хувийг эзэмшиж байгаа аж.
Ulaanbaatar
