Ulaanbaatar
"Барселона"-тай хийсэн Мессигийн анхны гэрээг үнэ хаялцуулна
ДЭЛХИЙН МЭДЭЭ | СПОРТ
БАРСЕЛОНА, 2024 оны хоёрдугаар сарын 1 /unn/. Хөлбөмбөгчин Лионель Месси Испанийн “Барселона” клубтэй байгуулсан анхныхаа гэрээг салфеткан дээр бичиж байсан бөгөөд уг салфеткийг Британийн хувийн дуудлага худалдааны “Bonhams” ордонд үнэ хаялцуулан худалдах гэж байгаа тухай "Mundo Deportivo" сонинд бичжээ.
Тус сонинд мэдээлснээр, салфеткыг худалдах хамгийн доод үнэ 350 мянгаас 585 мянган евро байх ажээ. Дуудлага худалдаа гуравдугаар сарын 18-27-ны өдрүүдэд болно.
“Монтжуик дахь La Reial Societat de Tennis Pompeia зоогийн газарт үдийн зоог барих үеэр клубийн ерөнхийлөгчийн зөвлөх асан, хөл бөмбөгийн агент Хосеп Мария Мингуеллатай хамт салфеткан дээр арын үсэг зурж байв” гэж тус сонинд бичжээ.
Лионель Месси 2000 оны 12 дугаар сарын 14-нд “Барселона”-тай анхны гэрээгээ байгуулжээ. Тухайн үед хөлбөмбөгчин 13 настай байсан юм. Тэрбээр 2003-2021 оны хооронд тус клубт тоглох хугацаандаа 10 удаа Испанийн аварга болж, Испанийн Супер цомд 8 удаа, Испанийн цомд 7 удаа, Аваргуудын лигт 4 удаа, УЕФА-гийн Супер цом, Клубүүдийн дэлхийн аварга шалгаруулах тэмцээнд тус бүр 3 удаа түрүүлсэн юм.
