Дадал сумын ЕБС 12 жилийн тогтолцоотой болно
ОРОН НУТГИЙН МЭДЭЭ | ХЭНТИЙХэнтий аймгийн Дадал сумын сургууль 12 жилийн тогтолцоотой болох талаар аймгийн засаг даргад хүсэлтээ хүргүүлээд байна. Уг асуудал тун удахгүй шийдэгдэж шинэ элсэлтээ авахаар бэлдэж байгаа гэж БСГ-ын дарга З.Бат-эрдэнэ хэллээ.
Аймгийн хэмжээнд 12 жилийн тогтолцоотой ажилладаг 11 ЕБС байдаг бөгөөд аймгийн төвд 4 сургууль, бусад нь сумдад ажиллаж байна.
Хэнтий аймгийн хувьд өнгөрсөн хавар 9 дүгээр ангийг 460 суралцагч төгссөн. Эдгээр төгсөгч энэ жил 10-р ангидаа үргэлжлүүлэн суралцахаар бүртгүүлжээ.
2016-2017 оны шинэ хичээлийн жилд ЕБС-ийн ахлах ангиуд шинэчилсэн хөтөлбөрөөр буюу сурагч ирээдүйд эзэмших мэргэжилдээ хэрэгтэй хичээлийг өөрөө сонгон суралцдаг хэв маягт шилжиж байгаа нь энэ хичээлийн жилийн онцлог болж байгаа аж.
Хэнтий аймаг О.Буянхишиг