4000 орчим хүүхдийг цэцэрлэгт хамруулна
ОРОН НУТГИЙН МЭДЭЭ | СҮХБААТАРСүхбаатар аймгийн хэмжээнд цэцэрлэгийн насны 5000 гаруй хүүхэд байгаа юм байна. Үүнээс 2016-2017 оны хичээлийн жилд өдрийн бүлэгт 3900 хүүхдийг хамруулхаар төлөвлөжээ. Аймгийн төвийн арван цэцэрлэг хичээлийн шинэ жилийн бэлтгэлээ хангаад эхэлсэн. Хүүхдүүдийн энэ сарын 29,30-ны өдрүүдэд бүртгэнэ.
Улс, аймаг орон нутгийн төсөв санхүүгийн асуудал хүнд байгаа учир сургууль цэцэрлэгүүд дорвитой засвар гэж хийгээгүй. Ихэнх цэцэрлэгүүд өөрсдийн нөөцийг ашиглан багахан хэмжээний урсгал засвар хийжээ.
Баруун-урт сумын 2-р цэцэрлэг улсын төсвийн 85 сая төгрөгийн хөрөнгө оруулалтаар дээвэр , гадна засвар болон хашаагаа засварласан. Ажилчдынхаа хүчээр дотор засвараа хийгээд дуусах шатандаа явж байгааг 2-р цэцэрлэгийн эрхлэгч Г. Цэцэгтуяа хэллээ.
тус цэцэрлэг нь энэ хичээлийн жилд Баруун-Урт сумын 1 болон 8-р багийн 60 хүүхдийг шинээр элсүүлэн авах юм байна.
Т. Одончимэг