Ulaanbaatar
Р.Левандовски Байерн Мюнхентэй гэрээгээ сунгахгүй
ДЭЛХИЙН МЭДЭЭ | СПОРТ
ВАРШАВ. /Xinhua/. Байерн Мюнхен клубтэй 2023 оны зургаадугаар сар
хүртэл гэрээ байгуулаад буй Польшийн довтлогч Роберт Левандовски шинэ гэрээ
байгуулахгүй гэдгээ клубтээ мэдэгдсэн байж магадгүй байна.
“Xinhua” агентлагт хөлбөмбөгчийн ойрын эх
сурвалжийн мэдээлснээр, сүүлийн долоо хоногуудад Р.Левандовски баваричуудтай
хэлэлцээ хийж байгаа ч ямар нэгэн тохиролцоонд хүрээгүй байгаа ажээ.
Довтлогч 2025 он
хүртэл гэрээ байгуулахыг хүссэн бол Байерн түүнд нэг жилээр бага санал
тавьснаас гадна Р.Левандовски цалингаа өснө гэж найдаж байсан бол клубийн зүгээс
цалин нь өөрчлөгдөхгүй байх гэрээг санал болгожээ.
Эх сурвалжийн
мэдээлснээр, Польшийн тамирчин өөрийнх нь төлөө Байернд 40 сая евро /41.5
сая ам.доллар/ төлөхөд бэлэн байгаа Барселона клубт элсэх хүсэлтэй байгаа аж.
Түүний агент Пини Захави аль хэдийн Барселонатай холбоо барьж, Р.Левандовскиг
Байерныг орхиход бэлэн байгааг баталсан байна.
Пүрэв гаргийн
орой “Sky Sports”, “Bild”, Польшийн “TVP Sport” сувгууд мөн Р.Левандовскиг Байернтай
гэрээгээ сунгахгүй гэдгийг мэдээлсэн байна. Энэхүү шийдвэрийн талаар тамирчин болон
П.Захави нар клубт аль хэдийнээ мэдэгджээ.
