“Эрдэнэс Монгол” компанийн гүйцэтгэх захирлаар Ц.Түмэнцогтыг томиллоо

МОНГОЛЫН МЭДЭЭ
ariunzaya@montsame.mn
2016-09-29 13:42:50

“Эрдэнэс Монгол” компанийн ТУЗ-ийн өнөөдрийн хуралдаанаар тус компанийн Гүйцэтгэх захирлаар Ц.Түмэнцогтыг томилох шийдвэр гаргав. 

Ц.Түмэнцогт нь эрчим хүч, электроникийн инженер мэргэжлээр ОХУ, АНУ-д боловсрол эзэмшжээ. Тэрээр Түлш, эрчим хүчний сайдын зөвлөх, Дэд бүтцийн яам, Эрчим хүчний зохицуулах хороо, Төрийн өмчийн хороонд ажиллаж байсан бөгөөд  2011 оноос "General Electric"-ийн Монгол дахь салбарын гүйцэтгэх захирлаар, 2007-2011 онуудад Дэлхийн Банкны дэд бүтцийн асуудал хариуцсан төслийн багийн удирдагчаар ажиллаж байжээ.

"Эрдэнэс Монгол" компанийн Гүйцэтгэх захирлаар Б.Бямбасайхан ажиллаж байсан юм. "Эрдэнэс Монгол" компани нь “Оюу Толгой” ХХК-ийн Монголын талын хувийг эзэмшдэг.

 Б.Заяа

Холбоотой мэдээ