Улаанбаатар
ГОВЬ-АЛТАЙ: Энэ сарын 28-ныг дуустал цас үргэлжлэн орно
ОРОН НУТГИЙН МЭДЭЭ | ГОВЬ-АЛТАЙ
Есөнбулаг /МОНЦАМЭ/. Ойрын өдрүүдэд Говь-Алтай аймгийн ихэнх нутгаар цас орж, зарим газраар салхи шуургатай, нийт нутгаар сэрүүсэх тул цаг агаарын нөхцөл байдлаас үүсэх хүндрэлээс сэрэмжтэй байхыг УЦУОШТ-өөс мэдээлэв.
Тодруулбал, энэ сарын 27-нд ихэнх нутгаар, 28-нд нутгийн зарим газраар хур тунадас орох аж. Ихэнх хугацаанд салхи 5-10 метр, 27-нд ихэнх нутгаар 14-16 метр хүрч ширүүснэ. Харин агаарын температур мөн хугацаанд хүйтэрч Алтайн уулархаг нутгаар шөнөдөө -9...-14 градус хүйтэн, өдөртөө +1...+6 градус дулаан, говийн бүс нутгийн өмнөд хэсгээр шөнөдөө +3...+8 градус, өдөртөө +15...+20 градус дулаан, бусад нутгаар шөнөдөө -3...+2 градус, өдөртөө +8...+13 градус дулаан байна. Хугацааны сүүлчээр бага зэрэг дулаарах аж.
