Хүүхэд, залуучуудын театрын барилгын ажил 80 хувьтай үргэлжилж байна

Монголын мэдээ | Соёл урлаг
bolor@montsame.mn
2021-09-14 17:22:28

Улаанбаатар /МОНЦАМЭ/. Нийслэлийн Сонгинохайрхан дүүрэгт барьж буй дүүргийн Соёлын ордон буюу Хүүхэд, залуучуудын театрын барилга угсралт, дэд бүтэц татах ажил 80 хувьтай үргэлжилж байна.


Гурван давхар тус барилгыг барьж дуусган, цахилгааны монтаж, шаврын ажил, дээврийн хар цаас наах, шилэн гэгээвчний рам зангидах ажил үргэлжилж байгаа юм.

Улсын төсвийн хөрөнгө оруулалтаар хэрэгжиж буй тус Соёлын ордны барилга 850 хүний багтаамжтай. Засгийн газар энэ барилгыг Хүүхэд, залуучуудын театр болгохоор шийдвэрлэсэн бөгөөд дотроо кино театр, танхим, гадна талбайд задгай театр, усан оргилууртай байхаар төлөвлөжээ. Ингэснээр иргэд чөлөөт цагаа зөв боловсон өнгөрөөх, урлаг, соёлын хөтөлбөр, уралдаан, тэмцээн зохион байгуулах боломж бүрдэх юм.


Хүүхэд, залуучуудын театрын барилга угсралтын ажлыг “Аглут” ХХК 2019 онд гүйцэтгэж эхэлсэн бөгөөд энэ онд ашиглалтад оруулахаар төлөвлөжээ. 


Холбоотой мэдээ