Халдварын тохиолдол нэгээр нэмэгдэв
ОРОН НУТГИЙН МЭДЭЭ | ХОВДХовд /МОНЦАМЭ/. Ховд аймагт энэ сарын 13-ны өдрийн байдлаар коронавирусний халдварын батлагдсан тохиолдол нэгээр нэмэгдсэн ч ойрын хавьтал болон тусгаарлалт, ажиглалтад байгаа иргэдийн тоо буурчээ.
Ховд аймаг дахь Бүсийн оношилгоо эмчилгээний төвийн вируслогийн салбар лаборатори сүүлийн 24 цагийн хугацаанд нийт 416 сорьцод PCR шинжилгээ хийхэд коронавирусний халдвар авсан иргэдийн тоо нэгээр нэмэгдэж, батлагдсан тохиолдол нийт 246 боллоо. Тодруулбал, тусгаарлан ажиглах байранд байсан ойрын хавьтлын нэг иргэнээс гурав дахь удаагийн давтан шинжилгээгээр халдвар илэрсэн байна.
Халдвар авсан нийт
иргэнээс 240 буюу 98 хувь нь эдгэрч,
эмнэлгээс гарсан. Одоо тусгаарлах
эмнэлэгт зургаан иргэн хэвтэн эмчлүүлж байна. Үүнээс нэг иргэний биеийн байдал маш хүнд,
хоёр иргэнийх хүндэвтэр, бусад нь хөнгөн байна.
Тус аймгийн
хэмжээнд өнөөдрийн байдлаар ойрын
хавьтлын 80 иргэн байна. Мөн тусгаарлан ажиглах байранд 21, гэрийн
тусгаарлалтад 258, гэрийн ажиглалтад 217 иргэн буй. Сүүлийн
үед орон нутагт коронавирусний халдвар авсан иргэдийн ойрын
хавьтал болон тусгаарлалт, ажиглалтад байгаа иргэдийн тоо эрс буурч байгааг албаныхан онцоллоо.