Дундговь аймгийн зарим нутгаар цас орно
ОРОН НУТГИЙН МЭДЭЭ | ДУНДГОВЬДундговь /МОНЦАМЭ/. Дундговь аймгийн УЦУОШГ-ын урьдчилсан мэдээгээр 3 дугаар сарын 18-19-нд шилжих шөнө болон 19-нд тус аймгийн зарим нутгаар цас орж, салхи баруун хойноос секундэд 12-14 метр, зарим үед 18 метр хүрч, цасан болон шороон шуурга шуурах төлөвтэй байна.
Энэ сард агаарын дундаж температур нутгийн
хойд хэсгээр 5-10 градус, бусад нутгаар 0-4 градус хүйтэн байх ба ихэнх
нутгаар уур амьсгалын дунджаас 0.5-1.0 градусаар дулаан байх ажээ.
3 дугаар сарын хоёрдугаар арав
хоногийн эхээр бага зэрэг хүйтэрч, шөнөдөө 13-18 градус хүйтэн, өдөртөө 1-6
градус дулаан байх бол хоёрдугаар арав
хоногийн сүүлчээр хүйтний эрч суларч ихэнх нутгаар шөнөдөө 7-12 градус хүйтэн,
өдөртөө 9-14 градус дулаан байна.
Харин гуравдугаар арав хоногт нийт
нутгаар дулаарч шөнөдөө 2 градус дулаанаас 3 градус хүйтэн, өдөртөө 16-21
градус дулаан байх ажээ.
Салхи хоёрдугаар арав хоногийн эхэн
болон сүүлчээр зарим газраар 12-14 м/с, зарим үед 16-18 м/с, хоёр болон
гуравдугаар арав хоногийн дунд үеэр ихэнх нутгаар 16-18 м/с, зарим үед 20-24 м/с хүртэл ширүүсч шороон
болон цасан шуурга шуурах төлөвтэй байна.