Ulaanbaatar
Томск мужаас орос хэлний багш ирж сургалт явуулж байна
ОРОН НУТГИЙН МЭДЭЭ | УВС
Увс /МОНЦАМЭ/ Оросын шинжлэх ухаан, соёлын төв /РЦНК/-ийн дэмжлэгтэйгээр Увс аймагт Орос хэлний төв байгуулагдан ажиллаж байна. ОХУ-ын Томск мужийн Улсын багшийн их сургуулийн багш Елена Юрьевна Кошелева РЦНК-ийн салбар Увс аймаг дахь Орос хэлний төвд багшлахаар өчигдөр хүрэлцэн ирлээ.
Энэ дагуу орос хэлний сургалтанд суухаар бүртгүүлсэн хүмүүс өнөөдрөөс эхлэн өдөр бүр хуваарийн дагуу хичээллэж эхэлжээ. Тухайлбал, өглөө 9-11 цагийн хооронд 7-8-р ангийн сурагчдад, өдөр 14-15 цагийн хооронд 9-12-р ангийн сурагчдад, 15-16 цагийн хооронд насанд хүрэгчдэд, орой 17-18 цагийн хооронд аймгийн Мэргэжлийн хяналтын газрын ажилчдад орос хэлний хичээл зааж байна.
Харин орос хэлний багш нарт заах аргазүйн сургалт, семинар энэ сарын 19-ээс эхлэх аж. Энэхүү төв байгуулагдсанаар Увс аймгийн хүүхэд залуучууд, иргэдэд орос хэлний боловсрол эзэмшүүлэх, сургах, орос хэлний багш нарын мэдлэг, мэргэжлийг дээшлүүлэх боломж нээгдэж байна.
Энэ дагуу орос хэлний сургалтанд суухаар бүртгүүлсэн хүмүүс өнөөдрөөс эхлэн өдөр бүр хуваарийн дагуу хичээллэж эхэлжээ. Тухайлбал, өглөө 9-11 цагийн хооронд 7-8-р ангийн сурагчдад, өдөр 14-15 цагийн хооронд 9-12-р ангийн сурагчдад, 15-16 цагийн хооронд насанд хүрэгчдэд, орой 17-18 цагийн хооронд аймгийн Мэргэжлийн хяналтын газрын ажилчдад орос хэлний хичээл зааж байна.
Харин орос хэлний багш нарт заах аргазүйн сургалт, семинар энэ сарын 19-ээс эхлэх аж. Энэхүү төв байгуулагдсанаар Увс аймгийн хүүхэд залуучууд, иргэдэд орос хэлний боловсрол эзэмшүүлэх, сургах, орос хэлний багш нарын мэдлэг, мэргэжлийг дээшлүүлэх боломж нээгдэж байна.
Б.Батхүү
