Ulaanbaatar
Үнэт цаасны компаниудын арилжааны дүн өмнөх оныхоос 63 хувиар буурчээ
МОНГОЛЫН МЭДЭЭ | ЭДИЙН ЗАСАГ
Улаанбаатар, 2025 оны долоодугаар сарын 29 /МОНЦАМЭ/. Монголын хөрөнгийн биржийн мэдээлснээр, ҮЦК-иудын нийт анхдагч зах зээлийн арилжаа 90.9 хувь буюу 1.1 их наяд төгрөгөөр багасжээ.
Үүний үр дүнд хувьцааны ханшны өсөлт буурч, олон компанийн зах зээлийн үнэлгээнд нөлөөлөн, ҮЦК-иудын арилжааны дүн 63 хувиар буурсан байна.
2025 онд Засгийн газрын дотоодын үнэт цаасыг Монголын Хөрөнгийн Бирж арилжаалж байгаа ч сар тутмын дүн нь Улаанбаатар бондынхоос 25 дахин бага гарчээ. Харин хоёрдогч зах зээлийн арилжаа нэмэгдсэн ч хувьцаа, Үндэсний хувьчлалын сангийн нийт дүн 29.6 хувь буюу 96.7 тэрбум төгрөгөөр буурсан юм.
Түүнчлэн энэ оны
эхний хагас жилд хамгийн өндөр дүнгээр арилжаа хийсэн ҮЦК-иудын жагсаалтад
өөрчлөлт орж, нийт арилжааны 52 хувийг бүрдүүлж байсан БиДиСЕК ҮЦК-ийн арилжааны
дүн 94.3 хувиар багассанаар зах зээлийн 20.4 хувийг бүрдүүлж буй Голомт Капитал
ҮЦК тэргүүлж байна.
Мэдээг бэлтгэсэн: Т.Хулан
