Өр ихтэй орон нутгийн өмчит компаниудыг татан буулгав
ОРОН НУТГИЙН МЭДЭЭ | ХӨВСГӨЛХөвсгөл аймгийн Орон нутгийн өмчит "Хөвсгөл Ус Чандмань", "УСНААК", "Хөвсгөл Дулаан ХХК"-иудын үйл ажиллагаа доголдож сүүийн жилүүдэд алдагдалтай ажиллах болсон бөгөөд дээрх 3 компанийн нийт өр 2 тэрбум гаруй төгрөг болсон учраас аймгийн ИТХ-ын Тэргүүлэгчдийн ээлжит хуралдаанаар татан буулгах шийдвэр гаргалаа.
Цаашид үйл ажиллагааг нь эрчимжүүлэх, удирдлагын шинэ баг бүрэлдэхүүнээр удирдуулах, үргүй зардлыг танах зорилгоор дээрх 3 компанийг нэгтгэн "Хөвсгөл-Ус суваг" ХХК-ийг шинээр байгуулахаар боллоо. Дээрх 3 компанид нийт 221 иргэн ажиллаж байсан бөгөөд шинээр байгуулах "Хөвсгөл-Ус суваг" компанид 169 иргэнийг буцаан ажилд авч ажилгүй үлдэж байгаа 53 иргэнд хөдөлмөрийн хуулийн дагуу тэтгэмжийг олгоно гэдгийг хэлж байлаа.
Б.Гантуяа