Ulaanbaatar
БУЛГАН: Утаат болон электрон тамхи худалдахад хязгаарлалт тавилаа
ОРОН НУТГИЙН МЭДЭЭ | БУЛГАН
Булган /МОНЦАМЭ/ Булган аймагт энэ сараас эхлэн утаат болон электрон тамхи, түүний дагалдах хэрэгслийг худалдах, худалдан борлуулахад зарим хязгаалалт тогтоолоо.
Аймгийн Засаг даргын шийдвэрээр аймгийн
хэмжээнд зах зээлд нийлүүлж байгаа бараа, ажил үйлчилгээ, хэрэглэгчийн аюулгүй
байдлыг хангах зорилгоор худалдаа эрхэлж буй аж ахуйн нэгж, байгууллагууд 21
нас хүрээгүй хүнд утаат болон электрон тамхи, түүний дагалдах хэрэгслийг
худалдахыг хориглолоо. Мөн ерөнхий боловсролын сургуулийн хичээлийн болон
дотуур байрнаас 500 метр дотор тамхи, дагалдах хэрэгсэл худалдан борлуулахыг
хориглоод байна.
Аймгийн цагдаагийн газраас "Электрон
тамхи" хэсэгчилсэн арга хэмжээг зохион байгуулж, 26 аж ахуйн нэгж,
байгууллагад утаат болон электрон тамхи, түүний дагалдах
хэрэгслийг худалдах, худалдан борлуулахтай холбоотой шийдвэрийг
танилцуулж, санамж, сэрэмжлүүлэг өгч ажиллаж байна.
