Улаанбаатар
Хятадын тоног төхөөрөмжийг хууль бусаар худалдан борлуулсан хэмээн буруутгажээ
ДЭЛХИЙН МЭДЭЭ | ЭДИЙН ЗАСАГ
НЬЮ-ЙОРК. /CNBC/.
БНХАУ-д үйлдвэрлэгдсэн ажиглалтын системийг хууль бусаар
импортолсон хэмээн АНУ-ын эрх баригчид Нью-Йорк хотын
“Aventura Technologies” компанийг буруутгажээ.
“CNBC” телевизийн мэдээлснээр, тус компани нь эдгээр тоног
төхөөрөмж болон программ хангамжийг Америкийн төрийн байгууллагууд болон
Зэвсэгт хүчинд нийлүүлж байжээ.
Лонг-Айленд арал дахь “Aventura Technologies” компанийн албан өрөөнд өнгөрсөн пүрэв гарагт нэгжлэг
хийсэн байна. Компанийн удирдлагын АНУ-д үйлдвэрлэсэн хэмээн мэдэгдээд байсан тоног
төхөөрөмж, технологиудыг үнэн хэрэгтээ БНХАУ-аас импортолсон гэдэгт эрх
баригчид итгэлтэй байгаа аж. “CNBC” телевизийн мэдээлснээр, эдгээр бүтээгдэхүүний заримыг Америкийн
төрийн байгууллага болон цэргийн бааз, хөлөг онгоцонд нийлүүлсэн аж.
Нью-Йорк муж улсын Баруун тойргийн прокурор Ричард Донохью “Aventura
Technologies” компани болон тус
компанийн 7 ажилтныг буруутгаж байгаа бөгөөд компани 13 жилийн хугацаанд Хятадын
бүтээгдэхүүнүүдийг Америкийнх гэх нэрийн дор хууль бусаар импортолсон гэж
таамаглаж байгаа аж.
