СЭЛЭНГЭ: Тогтвортой ургацыг цаг үеийн ямар ч нөхцөлд хураан авч заншжээ
ОРОН НУТГИЙН МЭДЭЭ | СЭЛЭНГЭСүхбаатар, 2024 оны хоёрдугаар
сарын 9 /МОНЦАМЭ/. “Энх хос мөрөн” ХХК Монгол Улсын аварга тариаланч хамт олон болов. Тус
компани Сэлэнгэ аймгийн Зүүнбүрэн суманд бүртгэлтэй бөгөөд сүүлийн 3 жилд 93.4
сая төгрөгийн татварын орлогыг аймаг, орон нутагт төвлөрүүлжээ.
“Энх хос мөрөн” ХХК Зүүнбүрэн суманд 2004 оноос эхлэн газар тариалангийн үйлдвэрлэл
эрхэлж байна. 700 га эргэлтийн талбайтай бөгөөд өнөөг хүртэл тасралтгүй 19
дэх жилдээ тогтвортой үйл ажиллагаа явуулж байгаа аж.
Эднийх 2023 онд 540 га
талбайгаас 19.1 цн буюу 1048 тн улаанбуудай, 162 га талбайгаас 80 тн тосны
ургамал хураан авчээ.
Тус компани нь байгаль
цаг уураас хараат, усалгаагүй нөхцөлд 700 га талбайд улаанбуудайн тариалалт
хийж тариалангийн технологийг мөрдөн ажиллаж тогтвортой ургац хураан авч байна.
Түүнчлэн газар тариалан
эрхлэх хугацаандаа цаг уурын тааламжгүй гантай болон тааламжтай жилүүдэд
усалгаагүй талбайгаас тогтмол, тогтвортой ургац хураан авсаар иржээ.
Энэ нь тухайн орон
нутгийн хөрс, цаг уурын онцлогт тааруулан тариалалтын хугацаа, үр суулгах гүн,
үрийн нормыг тохируулан, ургамал хамгааллын ажлыг цогцоор нь хэрэгжүүлэн
ажиллаж байна.
Мөн үйлдвэрлэлдээ шинэ
техник, технологи нэвтрүүлэн агротехникийн горимыг мөрдөж ажилладаг амжилтаараа ийнхүү
шагналын эзэд болжээ.