Ulaanbaatar
“Улаанбаатар төмөр зам”-ын 13 албан тушаалтанд хариуцлага тооцуулах албан бичиг хүргүүлэв
МОНГОЛЫН МЭДЭЭ | ХУУЛЬ
Улаанбаатар /МОНЦАМЭ/. Авлигатай тэмцэх газрын Хяналт шалгалт, дүн шинжилгээний хэлтэс нь энэ сарын 16-20-нд нийтийн албанд томилогдохоор нэр дэвшсэн 377 иргэний хувийн ашиг сонирхлын урьдчилсан мэдүүлгийг шалган, 71 мэдүүлгийг хянан шийдвэрлэжээ.
Одоогоор 306 нэр дэвшигчийн урьдчилсан мэдүүлгийг хянаж байна. Тухайн хугацаанд иргэн, аж ахуйн нэгж, байгууллагаас ирүүлсэн
нийтийн албан тушаалтны авлига, ашиг сонирхлын зөрчилтэй холбоотой 46 гомдол,
мэдээллийг хүлээн авч шалгаснаас 12 гомдол, мэдээллийг хянан шийдсэнийг АТГ мэдээлэв.
Төлөвлөгөөт хяналт шалгалтын хүрээнд 8 албан тушаалтны
хувийн ашиг сонирхлын болон хөрөнгө, орлогын мэдүүлгийг шалгажээ. Шалгалтаар 2022 онд томилогдсоноос хойш 30
хоногийн дотор ХАСХОМ-ээ гаргаагүй “Улаанбаатар төмөр зам” ХНН-ийн 13 албан
тушаалтанд Захиргааны ерөнхий хуулийн дагуу хариуцлага тооцуулах тухай албан
бичгийг томилох эрх бүхий байгууллага, албан тушаалтанд хүргүүлсэн байна.
