“Өрхийн эрүүл мэндийн төв” –үүдийг нэгтгэхэд 700 сая төгрөг зарцуулна
ОРОН НУТГИЙН МЭДЭЭ | ОРХОНОрхон аймгийн эрүүл мэндийн салбарт 2013-2016 онд улсын болон орон нутгийн төсөв, иргэдийн хандив тусламжаар багагүй хөрөнгө оруулалт хийгджээ.
Нийт 8.8 тэрбум төгрөг зарцуулсан байна. Энэ жил л гэхэд улсын төсвийн 4.2 тэрбум төгрөгөөр 100 ортой Хүүхдийн эмнэлэг барина. Орхон аймагт 0-18 насны 32 мянган хүүхэд байдаг. Гэтэл БОЭТ-д ердөө 35 ортой Хүүхдийн нэг тасаг ажиллаж байна. Үүний ачааллыг багасгах зорилгоор дээрх эмнэлэгийг барина. Мөн Төрөх тасгийн 1, 3,4 дүгээр давхарыг 2015 онд улсын төсвийн 208 сая, хоёрдугаар давхарыг 2016 онд орон нутгийн төсвийн хөрөнгөөр бүрэн засварлалаа. Үүнээс гадна 2014 онд гэр хорооллын Өрхийн эрүүл мэндийн хоёр төвийг нэгтгэсэн бол энэ онд гурван багийн Өрхийн эрүүл мэндийн төв нэг байранд нэгтэж иргэдэд үйлчилгээгээ ойртууллаа. Энэ жил нэмж гурван төв барихад орон нутгийн төсвөөс 700 сая төгрөг зарцуулна.
Б.Оюун-Эрдэнэ