Ulaanbaatar
Ван И, Э.Блинкен нар Газын зурваст үүссэн хямралын талаар утсаар ярьжээ
ДЭЛХИЙН МЭДЭЭ | УЛС ТӨР
БЭЭЖИН, 2023 оны аравдугаар сарын 15 /Reuters/. Хятадын Гадаад хэргийн сайд Ван И Израил, Газын зурваст үүссэн хямралын талаар АНУ-ын Төрийн нарийн бичгийн дарга Энтони Блинкентэй бямба гарагт утсаар ярьсан тухай Хятадын ГХЯ мэдээллээ.
Хятад улс олон улсын энх тайвны бага хурлыг аль болох ойрын хугацаанд хуралдуулахыг уриалаад, Палестин-Израилын
мөргөлдөөн хурцдаж, хяналтаас гарах эрсдэлтэйг анхааруулсан байна.
Ван И Э.Блинкентэй ярих үеэрээ “Хятад улс энгийн иргэдэд хохирол учруулсан, олон
улсын хууль тогтоомжийг зөрчсөн аливаа үйлдлийг зэмлэн буруушааж байна” хэмээн хэлжээ.
Талууд мөн АНУ-Хятадын харилцааны асуудлаар санал солилцсон бөгөөд Ван И хоёр талын харилцаа тогтворжих шинж тэмдгүүд илэрч буйг онцолсон байна.
