Ulaanbaatar
Олон улсын физикийн 53 дугаар олимпиад Япон улсад нээлтээ хийлээ
МОНГОЛЫН МЭДЭЭ | БОЛОВСРОЛ
Улаанбаатар /МОНЦАМЭ/. Олон улсын физикийн 53 дугаар олимпиад Япон улсын нийслэл Токио хотод өнөөдөр нээлтээ хийлээ.
Уг олимпиадыг 2019 оноос хойш танхимын хэлбэрээр зохион байгуулж буйгаараа онцлог юм.
Энэхүү олимпиадад 90 гаруй орны 450 гаруй сурагч 200 гаруй багш, дасгалжуулагч, ажиглагчид оролцож байна.
Монгол Улсаа төлөөлөн 11 дүгээр сургуулийн 12 дугаар ангийн сурагч Л.Дөлгөөн, Сант сургуулийн 10 дугаар ангийн сурагч Г.Азжаргал, Сант сургуулийн 12 дугаар ангийн сурагч М.Бэлгүтэй, Сант сургуулийн 12 дугаар ангийн сурагч О.Анирчулуу, Шинэ-Үе сургуулийн 10 дугаар ангийн сурагч Г.Батбаяр, Багийн ахлагчаар МУИС-ийн Шинжлэх Ухааны Сургуулийн физикийн тэнхимийн багш доктор, дэд профессор Г.Мөнхбаяр, дасгалжуулагч багшаар ШУТИС-ийн физикийн тэнхимийн багш доктор, дэд профессор Г.Зоригт, Монгол Улсын Их Сургуулийн Геофизикийн тэнхимийн эрхлэгч доктор, профессор Ц.Баатарчулуун нар оролцож байна.
