Ulaanbaatar
ЗАВХАН: Онцлох соёлын биет бус өвүүдийг сурталчлан зохиомжилсон наадмын нээлт болов
ОРОН НУТГИЙН МЭДЭЭ | ЗАВХАН
Улиастай, 2025 оны долоодугаар сарын 10 /МОНЦАМЭ/. Завхан аймгийн
баяр наадам өргөн дэлгэр болж байна.
Тулгар төрийн 2234 жил, Их Монгол Улсын 819 жил, Үндэсний эрх чөлөө тусгаар
тогтнолоо сэргээн мандуулсны 114 жил, Ардын хувьсгалын 104 жил, Сүхбаатарын
одонт Завхан аймаг байгуулагдсаны 102 жилийн үндэсний их баяр наадмын нээлт өнөөдөр
цэнгэлдэх хүрээлэнд боллоо.
Наадмын нээлтийн агуулгыг Завхан аймгийн онцлог, түүх, шашин урлагийг хослуулсан ёс заншил, уугуул нутгийн онцлох соёлын биет бус өвүүдийг сурталчлан зохиомжилсон байна.
Уламжлал ёсоор тус аймгаас төрөн гарсан хувилгаад хутагтуудын түүх, оройн дээд Очирваань хайрхны тухай уртын дуу “Оройн чимэг”-ийг эгшиглүүллээ.
Ахмад, дунд, залуу үеийн уран бүтээлч, ардын авьяастнууд
урлагийн тоглолт үзүүлж, Монгол
улсын ардын жүжигчин С.Батсүх ая дуугаа өргөсөн нь онцлог болов. Мөн шашны зан үйлийг
харуулсан үзүүлэх тоглолт цамын бүжиг, үндэсний бүжиг, монгол дээлний өв
соёлыг таниулсан үзүүлэх тоглолтыг үзүүллээ.
Үндэсний бөхийн барилдаан, сурын харваа, шагайн харваа, хурдан морины уралдаан тусгай хөтөлбөрийн дагуу үргэлжилж байна.
Наадмыг аймгийн Засаг дарга Г.Өнөрбаяр нээлээ
Оройн дээд Очирваань хайрхны тухай уртын дуу “Оройн чимэг”-ийг эгшиглүүллээ.
Чингисийн үеийн баатарлаг эрсийн бүжиг зохиомж тоглолтыг үзүүлэв
Завхан аймгийн тугийг заллаа.
Наадамчид
Шашин урлагийн тоглолтыг үзүүлэв
Үндэсний бүжгийн урлагийг сурталчлав
Саальчин бүсгүйчүүдийн бүжгийн хэсгээс
Хурдан морь унаач хүүхдүүдийн бүжгийн хэсгээс
Наадмын нээлтэд Улиастайн цэргийн хүрээний алба хаагчдын сүр жавхлант жагсаалыг үзүүлэв
Дэлхийн адууны өдөрт зориулсан Хос морьтой хосуудын үзүүлбэр
Уламжлалт өв соёлоо таниулсан үзүүлэх тоглолтын хэсгээс
Наадмын нээлтэд энхийг сахиулагчид сүр жавхлант жагсаалыг үзүүлэв
